Elezzjonijiet Ewropej
Bħala ċittadin tal-UE, int għandek id-dritt li tivvota u toħroġ bħala kandidat fl-elezzjonijiet Ewropej.
L-elezzjonijiet Ewropej li jmiss se jsiru mis-6 sad-9 ta’ Ġunju 2024. Kull pajjiż tal-UE jiddeċiedi d-data jew id-dati matul dak il-perjodu meta se ssir il-votazzjoni. Għandhom ukoll l-iskadenzi tagħhom biex jirreġistraw bħala votanti.
Twissija
Dikjarazzjoni ta’ ċaħda ta’ responsabbiltà: L-iskadenzi ta’ hawn taħt japplikaw biss għaċ-ċittadini tal-UE li jgħixu f’pajjiż ieħor tal-UE. Jekk jogħġbok innota li jistgħu japplikaw kundizzjonijiet speċjali (eż. għal votazzjoni bil-posta, reġistrazzjoni online, użu ta’ prokura, votazzjoni f’konsulat eċċ.) Ikklikkja l-isem tal-pajjiż biex tara informazzjoni aktar dettaljata. Meta ma jkun hemm ebda skadenza disponibbli, l-awtoritajiet ikunu għadhom ma ħabbrux data.Skadenzi għar-reġistrazzjoni
| Jien ngħix ... u nixtieq nivvota għal kandidati minn dak il-pajjiż | Jien minn ... u ngħix barra l-pajjiż, u nixtieq nivvota għal kandidati minn pajjiżi | Data tal-elezzjoni | |
| L-Awstrija de en | 26 ta' Marzu | 26 ta' Marzu | 9 ta' Ġunju |
| Il-Belġju de en fr nl | 31 ta' Marzu | 29 ta’ Frar | 9 ta' Ġunju |
| Il-Bulgarija bg en | 40 jum qabel | 25 jum qabel | — |
| Ċipru el en | 2 ta’ April | 2 ta’ April | 9 ta' Ġunju |
| Iċ-Ċekja cs en | 40 jum qabel | Ma tistax tivvota minn barra l-pajjiż | 7 ta' Ġunju |
| Il-Ġermanja de en | Awtomatikament | 21 jum qabel | 9 ta' Ġunju |
| Id-Danimarka da en | 5 ġimgħat qabel | 15-il jum qabel | 9 ta' Ġunju |
| L-Estonja en et | 10 ta’ Mejju | Awtomatikament | 9 ta' Ġunju |
| Il-Greċja el en | — | 29 ta’ April | 9 ta' Ġunju |
| Spanja en es | 30 ta' Jannar | 25 jum qabel | 9 ta' Ġunju |
| Il-Finlandja en fi sv | 21 ta' Marzu | Awtomatikament | 9 ta' Ġunju |
| Franza en fr | 3 ta’ Mejju | 3 ta’ Mejju | 9 ta' Ġunju |
| Il-Kroazja en hr | 30 jum qabel | 10 jum qabel | 9 ta' Ġunju |
| L-Ungerija en hu | 24 ta’ Mejju | 31 ta’ Mejju | 9 ta' Ġunju |
| L-Irlanda en ga | 15 jum qabel | Ma tistax tivvota minn barra l-pajjiż | 7 ta' Ġunju |
| L-Italja en it | 90 jum qabel | Awtomatikament | 8-9 ta’ Ġunju |
| Il-Litwanja en lt | 10 ta’ April | — | 9 ta' Ġunju |
| Il-Lussemburgu de en fr | 55 jum qabel | 40 jum qabel | 9 ta' Ġunju |
| Il-Latvja en lv | 30 jum qabel | Awtomatikament | 8 ta' Ġunju |
| Malta en | 20 ta’ April | Ma tistax tivvota minn barra l-pajjiż | 8 ta' Ġunju |
| In-Netherlands en nl | 23 ta’ April | 25 ta’ April | 6 ta' Ġunju |
| Il-Polonja en | 3 jum qabel | 3 jum qabel | — |
| Il-Portugall en | 60 jum qabel | — | — |
| Ir-Rumanija en ro | 3 jum qabel | 3 jum qabel | 9 ta' Ġunju |
| L-Iżvezja en sv | 30 jum qabel | — | 9 ta' Ġunju |
| Is-Slovenja en sl | 15 jum qabel | — | 9 ta' Ġunju |
| Is-Slovakkja en sk | 40 jum qabel | Ma tistax tivvota minn barra l-pajjiż | 8 ta' Ġunju |
Għal informazzjoni aktar preċiża, ikkonsulta l-awtoritajiet nazzjonali fil-pajjiż rilevanti.
Agħżel il-pajjiż
- Ċipruen
- Franzafr
- Iċ-Ċekjaen
- Id-Danimarkaen
- Il-Belġjuen
- Il-Bulgarijaen
- Il-Finlandjaensv
- Il-Ġermanjadeen
- Il-Greċjaen
- Il-Kroazjaen
- Il-Latvjaen
- Il-Litwanjaen
- Il-Lussemburguen
- Il-Polonjaen
- Il-Portugallen
- In-Netherlandsen
- Ir-Rumanijaen
- Is-Slovakkjaen
- Is-Slovenjaen
- L-Awstrijaen
- L-Estonjaen
- L-Irlandaen
- L-Italjaen
- L-Iżvezjaenfi
- L-Ungerijaen
- Maltaen
- Spanjaen
Id-dritt tiegħek li tivvota
Jekk tgħix fil-pajjiż ta' oriġini tiegħek, tista’ tivvota biss għall-kandidati tal-UE li ħarġu għall-elezzjoni f’pajjiżek stess. Jekk inti rreġistrat u tgħix f’pajjiż ieħor tal-UE, inti tista’:
- tivvota għall-kandidati li joħorġu fil-pajjiż ta' oriġini jew
- tivvota għall-kandidati li joħorġu fil-pajjiż ospitanti tiegħek.
Twissija
Tista’ tivvota darba biss fl-elezzjonijiet Ewropej.
Kundizzjonijiet tal-votazzjoni fil-pajjiż ospitanti tiegħek
Jista’ jkollok bżonn tirreġistra biex tivvota mal-awtoritajiet nazzjonali fil-pajjiż ospitanti tiegħek sabiex tivvota fl-elezzjonijiet Ewropej. F’xi pajjiżi tal-UE, tiżdied awtomatikament fir-reġistru elettorali ladarba tirreġistra r-residenza tiegħek. Madankollu, jekk dan ma jkunx il-każ, u trid tirreġistra, iċċekkja l-iskadenzi tar-reġistrazzjoni fil-pajjiż ospitanti minn qabel sew peress li dawn ivarjaw minn pajjiż għal ieħor.
Meta tivvota għal kandidat li joħroġ għall-elezzjoni f’pajjiżek
Pajjiżi differenti tal-UE jipprovdu alternattivi differenti għall-votanti li jgħixu barra mill-pajjiż. Skont il-pajjiż ta' oriġini tiegħek, inti tkun jew
- għadek irreġistrat biex tivvota fil-pajjiż ta' oriġini tiegħek
- irreġistrat f’reġistru speċjali għar-residenti barra mill-pajjiż, jew
- imneħħi minn fuq ir-reġistru elettorali wara li tkun ilek tgħix barra għal ċertu perjodu ta’ żmien.
Jekk tgħix barra pajjiżek, u tixtieq tivvota għal kandidat f’pajjiżek, tista’ tiċċekkja l-kundizzjonijiet kollha fil-konsulat jew l-ambaxxata lokali tiegħek. Ara lista tal-konsulati u l-ambaxxati.
Twissija
Jekk ma tibqax tgħix f’pajjiżek, jaf ma tkunx tista’ tivvota fl-elezzjonijiet tal-UE ta’ dak il-pajjiż. Iċċekkja r-regoli nazzjonali.
Meta tivvota għal kandidat li joħroġ għall-elezzjoni fil-pajjiż ospitanti tiegħek
Bħala ċittadin tal-UE, inti tista’ tivvota taħt l-istess kundizzjonijiet bħaċ-ċittadini tal-pajjiż fejn tgħix. Jekk iċ-ċittadini huma meħtieġa li jkunu ilhom jgħixu fil-pajjiż għal ċertu tul ta’ żmien biex ikunu jistgħu jivvutaw, l-istess kundizzjonijiet se japplikaw għalik. Jista’ jkollok bżonn tipprovdi dokument li jagħti prova tan-nuqqas ta’ rekord kriminali.
Madankollu, il-perjodi li tkun għext f'pajjiżi oħrajn tal-UE - ħlief dawk fil-pajjiż ta' oriġini tiegħek - għandhom jitqiesu sabiex tissodisfa dan ir-rekwiżit.
Votazzjoni obbligatorja
Jekk il-votazzjoni fl-elezzjonijiet Ewropej hi obbligatorja fil-pajjiż li qed jospitak u, wara r-reġistrazzjoni tiegħek, tkun tniżżilt fir-reġistru elettorali ta' dak il-pajjiż, int obbligat tivvota – bħaċ-ċittadini ta' dak il-pajjiż. Iċċekkja r-regoli nazzjonali tal-pajjiż li fih tixtieq tivvota.
Meta tivvota barra mill-UE
Jekk tgħix barra l-UE, normalment tista’ tivvota fl-elezzjonijiet tal-UE fl-ambaxxata jew il-konsulat tal-pajjiż ta' oriġini tiegħek. Madankollu, xi pajjiżi ma jippermettulekx tivvota minn barra pajjiżek.
Id-dritt tiegħek li toħroġ bħala kandidat
Meta toħroġ bħala kandidat fl-elezzjonijiet Ewropej, tintalab tagħmel dikjarazzjoni li m'intix skwalifikat milli toħroġ bħala kandidat, u li m'intix ħiereġ ukoll f'pajjiż tal-UE ieħor. Jista’ jkollok bżonn tipprovdi dokument li jagħti prova tan-nuqqas ta’ rekord kriminali. Jekk tagħżel li tivvota jew li toħroġ bħala kandidat fil-pajjiż fejn tgħix, ma tistax tagħmel l-istess fil-pajjiż ta’ oriġini tiegħek.
Twissija
Tista’ toħroġ biss bħala kandidat f’pajjiż wieħed fl-elezzjonijiet tal-UE.
Kundizzjonijiet biex toħroġ bħala kandidat
Bħala ċittadin tal-UE, tista' toħroġ bħala kandidat taħt l-istess kundizzjonijiet li japplikaw għaċ-ċittadini tal-pajjiż fejn tgħix. Jekk iċ-ċittadini huma meħtieġa li jkunu ilhom jgħixu fil-pajjiż għal ċertu perjodu ta’ żmien biex ikunu jistgħu joħorġu bħala kandidati, l-istess kundizzjonijiet se japplikaw għalik.
Madankollu, il-perjodi li tkun għext f'pajjiżi oħrajn tal-UE - ħlief dawk fil-pajjiż ta' oriġini tiegħek - għandhom jitqiesu sabiex tissodisfa dan ir-rekwiżit. Għal informazzjoni aktar preċiża, ikkonsulta l-awtoritajiet nazzjonali fil-pajjiż rilevanti.
Agħżel il-pajjiż
- Ċipruen
- Franzafr
- iċ-Ċekjaen
- id-Danimarkaen
- il-Belġjuen
- il-Bulgarijaen
- il-Finlandjaensv
- il-Ġermanjadeen
- il-Greċjaen
- il-Kroazjaen
- il-Latvjaen
- il-Litwanjaen
- il-Lussemburguenfr
- il-Pajjiżi l-Baxxien
- il-Polonjaen
- il-Portugallen
- ir-Rumanijaen
- is-Slovakkjaen
- is-Slovenjaen
- l-Awstrijaen
- l-Estonjaen
- l-Isvezjaen
- l-Italjaen
- l-Ungerijaen
- Maltaen
- Spanjaen
Fuq is-sit web tal-elezzjonijiet tal-Parlament Ewropew tista’ ssib informazzjoni prattika dwar l-elezzjonijiet, kif ukoll dettalji dwar il-partiti politiċi u l-kandidati li joħorġu għall-elezzjoni għal kull pajjiż tal-UE.