Gnólacht a fhorbairt
Cuireann Margadh Aonair an Aontais roinnt réiteach ar fáil maidir le gnólacht a fhorbairt i dtír eile den Aontas. San Aontas, is féidir leat tús a chur le gnólacht nua, agus má tá gnólacht agat cheana, is féidir leat é a leathnú thar theorainneacha. Sa rannán seo, foghlaimeoidh tú na príomhrialacha a gcaithfidh tú a bheith ar an eolas fúthu chun gnó a dhéanamh san Aontas, ar nós na rialacha maidir le gnólacht a bhunú, gnólachtaí atá ann cheana a chumasc, infheistíocht a dhéanamh i dtír eile den Aontas, agus sonraí neamhphearsanta a bhainistiú.
Má tá sé beartaithe agat do ghnólacht a leathnú thar theorainneacha, seans go mbeadh uait Cuideachta Eorpach a bhunú: saghas cuideachta poiblí faoi dhliteanas teoranta atá inti a rialaítear faoi dhlí an Aontais, agus tá roinnt buntáistí ag baint léi.
- Cuideachta Eorpach (SE) a bhunú bg cs da de el en es et fi fr hr hu it lt lv mt nl pl pt ro sk sl sv
Más mian leat do ghnólacht a fhorbairt a thuilleadh nó má tá tú ag lorg deis nua ghnó, seans go mbeadh uait cuideachta atá ann cheana a chumasc nó a tháthcheangal. Faigh tuilleadh eolais faoi chumaisc, na rialacha a bhaineann leo agus an doiciméadacht is gá.
Más mian leat do ghnólacht a fhás ar bhealach inbhuanaithe, is féidir leat a fheidhmíocht chomhshaoil a fheabhsú agus monatóireacht a dhéanamh uirthi trí Scéim an Aontais um Bainistíocht agus Iniúchadh Comhshaoil (EMAS). Faigh amach faoi na buntáistí a bhaineann le EMAS agus na ceanglais chun clárú faoi.
Chun gnó a dhéanamh i dtír eile den Aontas, tá sé tábhachtach a bheith ar an eolas faoi do chearta agus faoi na srianta a d’fhéadfadh a bheith ann maidir le sonraí neamhphearsanta a úsáid, a stóráil agus a aistriú. Faigh tuilleadh eolais faoin gcaoi ar féidir sin a dhéanamh agus seachain fadhbanna dlíthiúla a d’fhéadfadh teacht chun cinn.
- Sonraí a úsáid, a stóráil agus a aistriú bg cs da de el en es et fi fr hr hu it lt lv mt nl pl pt ro sk sl sv
Má tá sé beartaithe agat infheistíocht a dhéanamh i dtír eile den Aontas, is féidir leat brath ar rialacha an Aontais maidir le cosaint na n-infheistíochtaí. Faigh tuilleadh eolais faoi na cineálacha infheistíochtaí trasteorann atá san áireamh agus faoin gcaoi a n-oibríonn na rialacha sin.
- Infheistíochtaí i dtír eile den Aontas bg cs da de el en es et fi fr hr hu it lt lv mt nl pl pt ro sk sl sv
Má tá tú i mbun gnólachta i dtionscal na turasóireachta, bí ar an eolas faoi phríomhthreochtaí agus saintréithe na margaí Eorpacha sa chaoi go mbeidh tú in ann do sheirbhísí agus do tháirgí turasóireachta a chur in oiriúint dá réir. Faigh tuilleadh eolais faoi rialacha an Aontais maidir le tionscal na turasóireachta, cearta na dtomhaltóirí, maoiniú ón Aontas, agus an inrochtaineacht.