Kif jaħdem l-ECC Net
L-ECC Net hu network ta’ uffiċċji mmaniġġjati b’mod indipendenti kofinanzjat mill-Kummissjoni Ewropea. Jekk tgħix fl-UE, l-Iżlanda jew in-Norveġja, l-ECC f’pajjiżek jista’
- jispjegalek drittijietek bħala konsumatur
- jgħinek issolvi tilwima ma’ bejjiegħ ibbażat f’pajjiż ieħor tal-UE (jew l-Iżlanda jew in-Norveġja)
- jgħidlek lil min għandek tikkuntattja jekk ma jistax jgħinek
Minbarra li jassisti lill-konsumaturi, l-ECC Net hu sieħeb espert u fdat mal-partijiet ikkonċernati u ma’ dawk li jfasslu l-politika li jfittxu li jippromwovu d-drittijiet tal-konsumatur. Hu għandu rwol importanti biex iwissi lill-awtoritajiet tal-infurzar dwar kummerċjanti li jiksru l-liġi tal-konsumatur.
Wieħed mill-valuri tan-network hu r-reazzjoni rapida tiegħu għal kwistjonijiet emerġenti, bħall-assistenza pprovduta lill-konsumaturi matul il-pandemija tal-COVID-19.
Biex issir taf aktar dwar l-ECC Net, żur is-sit web tan-network.
Ħarsa ġenerali lejn il-każijiet
Fl-2021, l-ECC Net għen aktar minn 126,000 konsumatur. Dawn il-konsumaturi rċevew informazzjoni u pariri mfasslin apposta dwar il-kwistjoni tal-konsumatur tagħhom. F’aktar minn 20,000 każ, l-ECCs ikkuntattjaw ukoll lin-negozjanti biex jgħinu fis-soluzzjoni ta’ tilwima. F’64% ta’ dawn il-każijiet, it-tilwima ssolviet b’mod amikevoli.
Ikkuntattja l-ECC Net
Trid tikkuntattja lill-ECC Net fil-pajjiż fejn tgħix.
|
L-ECC Net jikkoopera wkoll maċ-Ċentru Internazzjonali tal-Konsumatur fir-Renju Unit.
Pubblikazzjonijiet
L-ECC Net jippubblika wkoll gwida u pariri dwar problemi komuni tal-konsumatur, li tista’ ssib fil-links li ġejjin
Dokumenti