"Izakiak" sorkuntza, Alabena konpainiarekin, Agorrilaren 25ean Donibane Garazin
Alabena konpainiak "Izakiak" bigarren aldikotz publikoan emanen du, Agorrilaren 25ean, Donibane Garazin, Citadelle en Scènes festibalaren kari
Arantxa Lannes artistak Alabena konpainia 2020an sortu zuen : helburua da sorkuntza lanetan aritzea, arte sail desberdinak ezkonduz, musika, dantza, antzerkia, arte plastikoak.
Arantxa Lannes berak dohain handiak ditu : ttipitatik dantza egiten du, herrikoia eta garaikidea, kantatzen du, eta margotzen du.
"Izakiak" ikusgarria sortu du, Pierre Sangla eta Ekhi Lambert musikariekin : mundu fantastiko batetan sarrarazten gaituzte, "izakiak" bizi diren giroan : gai desberdinak hunkitzen dituzte, bizia eta heriotza, sortzea, nortasuna, natura, artea....
Donibane Garaziko Citadelle en Scènes festibalean, aurten, "off" programa proposatzen dute, ikusgarri batzu publikoari dohainik eskainiz.
Horrela, Alabena Konpainia gomitatzen dute, Agorrilaren 25ean, ostegun arratsaldeko 6etan, Eiheraberri auzoan (eliza gibeletik pasatuz, Errobi bazterra segituz) : leku ederrean, naturaren erdian, "Izakiak" proposatuko dute, modu ibiltarian.
Handi eta Ttipiendako ikusgarria da.