Gamere-Zihigan, "Ligetx Koblakaria(k)" pastorala udarako prestatzen dute
2024ean, Gamere-Zihiga herriko jendeek "Ligetx Koblakaria(k)" pastorala sortzen dute : Luis eta hunen arreba Madalena bertsolariak ziren horien bizia oholtzan kondatuko dute : prestakuntza lanetan ari dira, bai arizaleak, eta bai teknikaz arduratzen direnak ere
Gamere-Zihiga herri tipia izanik ere, herritarren artean, pastoralaren antolatzeko gogoa izigarri handia da !
80 arizale lanean ari dira, pastoralaren prestatzeko : antzerki, dantza, kantu tailerrak egiten dituzte, ostiral guziz mustrakak, eta bestalde, dendariek jantziak josten dituzte.
Horietako ainitz Gamere-Zihigakoak dira, edo familiaren bidez herriarekin lotura badute.
Luis eta Madalena Ligetx anai-arreben bizia oholtzan
Luis Ligetx (1901-1940) larraindarra zen, Gamere-Zihigan ezkondu zen, eta laborantxan ari zen.
Koblakari ezaguna zen, eta kantu ezagunak utzi ditu : Buneta eta txapela, Oihan Beltzian...
Hunen arreba, Madalena, kantari eta koblakaria zen, bainan garai haietan emazteak ez baitziren plazan ibiltzen, familia giroan bertsoak eta kantoreak emaiten zituen.
Beñat Larrory-k pastorala idatzi du, Xantiana Etxebest errejenta da, eta sujetak bi gazte dira : Ximun Heguiapal eta Marie Urruty.
Ligetx Koblakaria(k) pastorala Gameren emanen dute
Xiberoan den ohitura segituz, Ligetx Koblakaria(k) pastorala bi aldiz presentatuko dute :
- Uztailaren 28an, igandez
- Agorrilaren 3an, larunbatez
Txartelak salgai emanen dituzte Ekainean.