Трчајте низ светот со игриве со непрекинато трчање

Тестирајте си ја кондицијата во бескрајните спринтови против судбината со изборов најпопуларни тркачки игри. Без разлика дали сурфате по улиците, брзате под земја или трчате низ џунглите, оставајте само прав зад себе со брзи реакции и вешти маневри.

Пробијте ја звучната бариера со Sonic во бескрајнава тркачка игра во која владее брзината. Трчајте низ препреките и собирајте прстени додека бегате од канџите на злогласните босови, како Dr. Eggman и Zazz. Покрај старите непријатели, очекувајте да ги видите и познатите пријатели, како Tails и Knuckles кои ќе ви се најдат на патот.

Во класичнава игра со бескрајно трчање, трчајте низ возови, вагони и блокади додека брзате по шините во метрото. Собирајте засилувања, како ракетни појаси или суперпатики, за полесно да избегате од инспекторот. Може да ги користите монетите што ги собирате додека трчате за отклучување нови ликови, ховерборди и друго.

Избегнувајте ги препреките и сообраќајот додека трчате за да ги фатите ракуните бандити и да ги соберете трагите за украденото злато што ги оставаат зад себе. Додека сурфате по улицата или летате низ небото, собирајте засилувања за да си ја зголемите брзината. Колку повеќе злато собирате, толку повеќе може да го надградите домот на Tom и да отклучувате нови ликови и мапи.

Пуштајте се по жици, скокајте преку срушени мостови, навалувајте се низ опасни карпи и лизгајте се под ниски рабови во класичнава игра со непрекинато трчање. Собирајте ги монетите што ќе ви се најдат на патот за да отклучувате нови ликови, средини и надградби додека трчате по идолот.

Помогнете ѝ на Lara Croft да наоѓа скриени реликвии додека прескокнувате опасни препреки и трчате низ џунгли, пустини и планини. Собирајте монети додека трчате за да отклучувате надградби што ќе ви ја подобрат изведбата, како предност во трчањето. Напредувајќи низ нивоата, ќе наидувате на нови брзи возила, ќе се борите со легендарни босови и друго.