Google Family Link

Google Family Link – отбасының интернетті қауіпсіз пайдалануына көмектесетін ата-ана бақылауына арналған қолданба. Family Link қызметінің ыңғайлы құралдарымен балаңыздың өз құрылғысында уақытын қалай өткізетінін түсіну, құрылғысының орналасқан жерін көру, құпиялылық параметрлерін басқару, т.б. мүмкін болады.


Family Link беретін мүмкіндіктер:

Цифрлық құрылғыларды пайдаланудың негізгі ережелерін белгілеу
• Пайдалану уақытының шектерін орнату — Family Link көмегімен баланың құрылғысы үшін тыныштық уақытын орнатып, оған дұрыс балансты табуға көмектесе аласыз.
• Жас ерекшелігіне сай мазмұнға нұсқау беру — балаңыз жүктеп алғысы келетін қолданбаларды мақұлдауға не бөгеуге болады. Family Link, сондай-ақ YouTube-тегі қадағаланатын режимін не YouTube Kids нұсқасы арқылы балаңызға тиісті YouTube мазмұнын таңдауға мүмкіндік береді.

Баланың аккаунтын басқару және қорғау
• Құпиялылықты қорғау — Family Link-тегі рұқсаттарды басқару жүйесімен балаңыздың деректеріне қатысты дұрыс таңдаулар жасай аласыз. Chrome арқылы кірген веб-сайттар мен кеңейтімдер үшін, сондай-ақ баланың құрылғысына жүктеп алынған қолданбалар үшін рұқсаттарды көріңіз және басқарыңыз.
• Аккаунтты қауіпсіз пайдалану — Family Link қызметінде баланың аккаунты мен деректері параметрлерін басқара аласыз. Бала құпия сөзін ұмытып қалса ата-анасы ретінде оны өзгертуге не қайта орнатуға, жеке ақпаратын өңдеуге немесе қажет деп тапсаңыз, аккаунтын жоюға да болады.

Жол үстінде байланыста болу
• Қайда екенін біліп отыру — отбасыңыз жолда болғанда, олардың қайда екенін анықтап отырған пайдалы. Family Link арқылы балаларыңыздың локациясын картадан көріп отырасыз. Бұл үшін олар құрылғыны өздерімен алып жүруі керек.
• Хабарландырулар алып тұру — Family Link маңызды хабарландыруларды береді, соның ішінде балаңыз белгілі бір жерге жеткенін немесе одан шыққанын біліп отырасыз. Сондай-ақ құрылғыларға қоңырау шалуға және құрылғының батарея жұмысының қалған ұзақтығын көруге болады.


Маңызды ақпарат

• Family Link құралдары баланың құрылғысына байланысты әртүрлі болады. Мына сілтемеге өтіп, үйлесімді құрылғылардың тізімін қараңыз: https://families.google/familylink/device-compatibility/
• Family Link балаңыздың Google Play дүкенінен сатып алған және жүктеп алған қолданбаларын басқаруға көмектескенімен, оларға қолданба жаңартуларын (рұқсаттарды кеңейтетін жаңартуларды да), бұрын расталған не Отбасылық жинақта бөліскен қолданбаларды орнату үшін растау қажет болмайды. Сонымен қатар сатып алуды мақұлдау балаңыз Google Play төлем жүйесі арқылы сатып алатын кезде ғана қолданылады, ал басқа балама төлем жүйелерімен сатып алатын жағдайда қолданылмайды. Ата аналар Family Link-тен баласының орнатылған қолданбаларын және қолданба рұқсаттарын үнемі қарап отыруы керек.
• Балаңыздың қадағаланатын құрылғысындағы қолданбаларды мұқият тексеріп, оның пайдаланғанын қаламайтындарын өшіріп жүріңіз. Play, Google, т.б. сияқты кейбір алдын ала орнатылған қолданбаларды өшіру мүмкін болмайтынын ескеріңіз.
• Балаңыздың немесе жасөспірімнің құрылғысының орналасқан жерін көру үшін құрылғы қосулы, жақында қолданылған және мобильдік байланыс не Wi-Fi арқылы интернетке қосулы болуы керек.
• Family Link ата ана бақылауы тек қадағаланатын Google аккаунттарымен жұмыс істейді. Қадағаланатын Google аккаунттарымен балалар Search, Chrome және Gmail сияқты Google өнімдерін пайдалана алады, ал ата-аналар оларды қадағалау үшін цифрлық құрылғыларды пайдаланудың негізгі ережелерін орната алады.
• Family Link балаңыздың интернетті пайдалануын басқаруға және оның онлайн қауіпсіздігімен қамтамасыз етуге арналған құралдарды ұсынғанымен, интернетті қауіпсіз ете алмайды. Family Link интернеттегі мазмұнды анықтай алмайды, бірақ ол ата-аналарға баласының өз құрылғысында қалай уақыт өткізетіні туралы шешім қабылдауға және отбасы үшін оңтайлы онлайн қауіпсіздік әдісін таңдауға мүмкіндік береді.