Fit: Seguimento da actividade

Leva unha vida máis activa e saudable coa nova versión de Google Fit.

É difícil saber que tipo de actividade necesitas facer ou canto tempo debes dedicarlle para ter unha boa saúde. Por iso, Google Fit colaborou coa Organización Mundial da Saúde (OMS) e coa American Heart Association (AHA) para ofrecerche os puntos de cardio, un obxectivo de actividade que pode mellorar a túa saúde.

As actividades que estimulan máis o corazón son boísimas para o corazón e a mente. Gañarás un punto de cardio por cada minuto de exercicio moderado, como aumentar o ritmo ao pasear o can, e o dobre de puntos con exercicio máis intenso, como correr. Cunha camiñada a paso lixeiro de 30 minutos cinco días á semana, farás a cantidade de exercicio físico recomendado pola OMS e a AHA para reducir o risco de enfermidades cardíacas, mellorar o sono e aumentar o benestar mental xeral.

Google Fit tamén che axudará a:

FACER UN SEGUIMENTO DOS TEUS ADESTRAMENTOS DESDE O TELÉFONO OU RELOXO
Obtén datos ao instante cando fas exercicio e consulta estatísticas en tempo real mentres corres, camiñas ou fas percorridos en bicicleta. Fit utilizará os sensores do teu teléfono Android ou os sensores de frecuencia cardíaca do teu reloxo intelixente Wear OS by Google para rexistrar a velocidade, o ritmo, a ruta e moito máis.

CONTROLAR OS TEUS OBXECTIVOS
Consulta o teu progreso diario con respecto aos puntos de cardio e ao obxectivo de pasos. Sempre acadas os teus obxectivos? Axústaos facilmente para seguir poñéndote a proba, o que che permitirá mellorar a túa saúde cardiovascular e mental.

FACER QUE CADA MOVEMENTO CONTE
Se camiñas, corres ou andas en bicicleta durante o día, o teu teléfono Android ou reloxo intelixente Wear OS by Google detectará automaticamente as túas actividades e engadiraas ao diario de Google Fit para asegurarse de que recibas unha recompensa cada vez que te movas. Queres saldo extra? Aumenta o ritmo dos paseos cun adestramento de camiñada a un ritmo marcado e camiña seguindo o ritmo. Queres desfrutar dun tipo de adestramento diferente? Selecciónao na lista de actividades que ofrecemos, como pilates, remo ou spinning, e Google Fit fará un seguimento de todos os puntos de cardio que consigas.

CONECTAR AS TÚAS APLICACIÓNS E DISPOSITIVOS FAVORITOS
Fit pode mostrarche información de moitas das túas aplicacións e dispositivos favoritos para que teñas unha idea xeral do teu estado de saúde e non perdas de vista o teu progreso. Algúns destes dispositivos e aplicacións son Lifesum, Wear OS by Google, Nike+, Runkeeper, Strava, MyFitnessPal, Fitbit, Basis, Sleep as Android, Withings, Xiaomi Mi Bands etc.

COMPROBAR O TEU PROGRESO EN CALQUERA MOMENTO E DESDE CALQUERA LUGAR
No novo diario, podes consultar unha vista xeral do teu historial de actividade de Fit e das aplicacións integradas. Tamén podes ver toda a información na pestana Examinar, na que podes atopar todos os teus datos de saúde e benestar.

ESTAR AO CORRENTE DAS NOVIDADES DA TÚA SAÚDE
Respirar é unha das formas máis sinxelas de reducir a tensión e aliviar o estrés. Con Fit, comprobar a túa respiración é moi fácil: só precisas a cámara do teu teléfono. Ademais da frecuencia respiratoria, tamén pode medir a frecuencia cardíaca para comprender mellor como se atopa o teu corpo.

CONSULTAR AS ESTADÍSTICAS DIARIAS DUNHA OLLADA
Engade un widget á pantalla de inicio do teu teléfono Android ou configura un atallo e unha complicación no reloxo intelixente Wear OS by Google.

Se queres obter máis información sobre Google Fit e ver unha lista das aplicacións compatibles, accede á páxina: www.google.com/fit