Google Home

Google Nest, Google Wifi, Google Home жана Chromecast түзмөктөрүңүздү жана жарыктар, камералар, термостаттар сыяктуу шайкеш акылдуу үй өндүрүмдөрүн Google Home колдонмосунан тууралап, тескеп жана көзөмөлдөй аласыз.

Жарыктарды күйгүзүп, термостатты тууралап же эшигиңиздин алдында адам же таңгак турганын билип туруңуз. Башкаруу элементтерин кошуп жана жакшыртууларды киргизип жатканыбыздан улам Wear OS түзмөгүндөгү Google Home алдын ала версия катары жеткиликтүү болот.

Үйүңүздү башкаруу өтө оңой.
Кино көрүп баштаганда Үй өтмөгү аркылуу музыканы ойнотуу же бөлмөнү күңүрттөндүрүү сыяктуу эң көп айтылган ыкчам буйруктарды колдоно аласыз. Бир же эки таптап бүтүндөй үйдү көзөмөлдөп, көптөгөн иштериңизди бүтүрө аласыз. Түрмөк өтмөгү үйдө болуп жаткан бардык маанилүү иш-чараларды бир жерде көрсөтөт. Бул жерден түзмөктөрүңүздүн бардык функциялары тууралуу маалымат алып, үйүңүздүн параметрлерин жакшырта аласыз.

Бир гана жөнөкөй буйрук менен шайкеш жарыкты күйгүзүп, аба ырайын билип, жаңылыктарды угуп жана башка көптөгөн иштерди аткара аласыз.

Үйүңүздөгү шайкеш түзмөктөрдө ойнотулуп жаткан аудио жана видео агымдарынын баарын бир жерден көрүп, үнүн катуулатып же акырындатып, кийинки композицияга өтүп же алар ойнотулуп жаткан динамиктерди ыкчам өзгөртө аласыз.

Үйүңүздө эмне болуп жатканын бир карап биле аласыз.
Google Home колдонмосу үйүңүздүн абалын көрсөтүп, көз жаздымда калган нерселер тууралуу билдирип турат. Үйүңүзгө каалаган убакта кирип, акыркы окуялардын таржымалын карап чыксаңыз болот. Үйүңүздөн алыс жүргөндө маанилүү нерселер болсо, билдирме алып турасыз.

Google Home колдонмосу аркылуу Nest Wifi жана Google Wifi түзмөгүңүздү бир нече мүнөттө тууралап алсаңыз болот. Интернеттин ылдамдыгын текшерип, конок режиминдеги тармакты тууралап, Wi-Fi сырсөзүңүздү үй-бүлө жана досторуңуз менен оңой бөлүшөсүз. Wi-Fi'ды тындыруу сыяктуу ата-эненин көзөмөлүн колдонуп, балаңыздын Интернетти пайдалануу убактысын чектей аласыз. Бардык түзмөктөрдө видео конференция жана оюн трафигине автоматтык түрдө артыкчылык берип, же болбосо кайсы түзмөктөрдө бардык трафиктерге артыкчылык берүүнү тандай аласыз. Тармак тууралуу көбүрөөк статистиканы, мисалы, жаңы түзмөк тармагыңызга кошулгандыгы тууралуу билдирмени же начар Интернет байланышына себеп болгон бузулууларды аныктап оңдоо үчүн кеңири статистиканы алып турасыз.

Пайдалуу үй – өз үйүңүз.
Купуялыгыңыз алдыңкы коопсуздук технологиялары менен бекем корголот. Аларды бардык Google кызматтарына түздөн-түз орнотобуз. Google аккаунтуңузга орнотулган коопсуздук тутуму коркунучтарды автоматтык түрдө алдын ала аныктап жана бөгөттөгөндүктөн, жеке маалыматыңыз ар дайым коопсуз сакталат.

Көзөмөлдөп турушуңуз үчүн купуялык куралдарын түзөбүз.
Google Жардамчыдагы аракеттериңиз, купуялык параметрлериңиз, маалымат жана жеке параметрлериңизди башкара аласыз. Аракеттериңизди көрүп, кол менен өчүрүп же аларды автоматтык түрдө өчүрүүнү тандай аласыз. Google Жардамчыда купуялыгыңызды оозеки көзөмөлдөй аласыз. Купуялык жана коопсуздук тууралуу эң көп берилген суроолорго жоопторду алуу үчүн "Купуялык параметрлеримди кайсы жерден өзгөртө алам?" дегендей суроолорду бериңиз.

Маалыматыңызды жана купуялыгыңызды кантип коргой турганыбызды билүү үчүн safety.google/nest бөлүмүндөгү Google Nest Коопсуздук борборуна баш багыңыз.

* Айрым кызматтар жана функциялар кээ бир аймактарда жеткиликсиз болушу мүмкүн. Шайкеш түзмөктөр талап кылынат.