குடும்பக் குழு மூலம் உங்கள் குடும்பத்தினருடன் இணைந்திருங்கள்

நீங்கள் குடும்பக் குழுவை உருவாக்கும்போது அந்தக் குழுவின் நிர்வாகியாகிவிடுவீர்கள். அதாவது, குழுவில் சேர 5 பேர் வரை நீங்கள் அழைக்கலாம். அவர்கள் அழைப்பை ஏற்றால் உங்கள் குடும்பக் குழுவில் சேர்க்கப்படுவார்கள். குடும்ப நிர்வாகிகள் எப்போது வேண்டுமானாலும் குழுவை நீக்கலாம், உறுப்பினர்களை அழைக்கலாம் அகற்றலாம். இப்போதே உங்கள் குடும்பக் குழுவை உருவாக்குவதன் மூலம் தொடங்குங்கள்.

குடும்பக் குழுவை உருவாக்கவோ அதில் சேரவோ கட்டண மெம்பர்ஷிப்போ சந்தாவோ தேவையில்லை. நீங்கள் ஏற்கெனவே பயன்படுத்தும் Google தயாரிப்புகளில் இருந்து அதிகப் பலன்களைப் பெற, குடும்பக் குழு உங்களையும் அதன் உறுப்பினர்களையும் அனுமதிக்கிறது. சில Google தயாரிப்புகளில் பிரீமியம் சேவைகளைப் பெற, குடும்பத் திட்டச் சந்தாக்களை வாங்க வேண்டும்.

குடும்பக் குழுவை உருவாக்கியதும் Google ஆப்ஸ் மற்றும் சேவைகளின் பட்டியலைப் பார்ப்பீர்கள். குடும்பத்தில் பகிர்வதற்கான ஆப்ஸையும் சேவைகளையும் அதிலிருந்து குடும்ப நிர்வாகி தேர்வுசெய்யலாம்.

குடும்பக் குழுவிலுள்ள கண்காணிக்கப்படும் கணக்குகளுக்கான பெற்றோர் கட்டுப்பாடுகளைக் குடும்ப நிர்வாகிகள் நிர்வகிக்கலாம். கண்காணிக்கப்படும் கணக்கை நிர்வகிப்பதற்கு உதவ, மற்றொரு பெற்றோருக்கும் பெற்றோர் உரிமைகளைக் குடும்ப நிர்வாகி வழங்கலாம்.

குடும்பக் குழுவை உருவாக்க, நீங்கள் 18 அல்லது அதற்கு மேற்பட்ட வயதுடையவராக (அல்லது உங்கள் நாட்டில் ஒப்புதல் அளிப்பதற்கான வயதுடையவராக) இருக்க வேண்டும். உங்கள் குடும்பக் குழுவில் சேர, நீங்கள் அழைப்பவர்களிடம் Google கணக்கு இருக்க வேண்டும். ஒரு நேரத்தில் ஒரு குடும்பக் குழுவில் மட்டுமே உறுப்பினர்கள் சேர முடியும். அவர்களால் 12 மாதங்களுக்கு ஒரு முறை மட்டுமே மற்றொரு குடும்பக் குழுவிற்கு மாற முடியும்.

குடும்பக் குழுவும் Family Link ஆப்ஸும் வெவ்வேறு சேவைகள் ஆகும். ஆனால் ஒன்றாகச் செயல்படக்கூடியவை. YouTube, Google Play குடும்ப லைப்ரரி, Google Assistant போன்ற உங்களுக்குப் பிடித்த பல ஆப்ஸையும் சேவைகளையும் குடும்பக் குழு மூலம் பகிர முடியும்.

உங்கள் குடும்பக் குழுவில் பிள்ளைக்கான கணக்கை உருவாக்கும்போதுதான் Family Link பங்களிக்கிறது. உள்ளடக்கத்தைக் கட்டுப்படுத்துதல், ஆப்ஸ் பதிவிறக்கங்களையும் பர்ச்சேஸ்களையும் அனுமதித்தல், பயன்படுத்தும் நேரத்தை அமைத்தல் போன்ற டிஜிட்டல் உபயோகத்திற்கான அடிப்படை விதிகளை உங்கள் பிள்ளையின் கணக்கில் அமைக்க Family Link அனுமதிக்கிறது. Family Link குறித்து மேலும் அறிக.

குடும்பக் குழு எவ்வாறு செயல்படுகிறது என்பதையும் நீங்களும் உங்கள் குடும்பமும் எவற்றைப் பகிரலாம் என்பதையும் பிற விவரங்களையும் பற்றிய கூடுதல் தகவல்களுக்கு Google for Families உதவி மையத்திற்குச் செல்லுங்கள்.