1.   Cuirfidh iarratasóir féideartha faoi bhráid ECHA fógra go bhfuil sé beartaithe aige iarratas a chur isteach laistigh de thréimhse ama chinnte chun substaint tosaithe, comhdhéanamh nó comhábhar a chur ar na liostaí dearfacha Eorpacha. Mura údarás inniúil ábhartha é an t-iarratasóir féideartha le haghaidh iarratas a bhfuil údar cuí leis de bharr práinne, tabharfar an fógra sin laistigh de 12 mhí sula gcuirfear isteach an t-iarratas.

2.   Cuirfidh ECHA in iúl go bhfuarthas an fógra.

1.   Cuirfidh ECHA in iúl don iarratasóir gan moill mhíchuí go bhfuarthas an t-iarratas a cuireadh isteach chun substaint tosaithe, comhdhéanamh nó comhábhar a chur ar na liostaí dearfacha Eorpacha nó chun iad a bhaint díobh.

2.   Chomh maith leis sin, d’fhéadfadh an Coimisiún tús a chur leis an nós imeachta iarratais freisin, ach iarraidh ar ECHA tuairim a eisiúint maidir le substaint tosaithe, comhdhéanamh nó comhábhar a chur leis na liostaí dearfacha Eorpacha nó chun iad a bhaint díobh.

3.   Ceapfaidh iarratasóirí nach bhfuil bunaithe san Aontas ionadaí atá bunaithe san Aontas.

Féadfaidh iarratasóirí atá bunaithe san Aontas, nach údarás ábhartha iad, ionadaí a cheapadh.

4.   I gcás polaiméir atá beartaithe mar shubstaint tosaithe nó mar chomhábhar stroighniúil orgánach chun ábhair stroighniúla nach meascáin iad a mhonarú, déanfar an t-iarratas le haghaidh aon cheann de na nithe seo a leanas:

5.   I gcás polaiméir atá beartaithe lena húsáid mar chomhábhar stroighniúil orgánach chun meascáin a mhonarú, cumhdófar leis an iarratas na monaiméirí uile a áirítear sa pholaiméir sin.

6.   D’fhéadfaí go gcumhdófaí le hiarratas ó údarás ábhartha roinnt substaintí tosaithe, comhdhéanamh, comhábhar stroighniúil orgánach, nanafhoirmeacha nó iondula.

Ní chumhdófar le hiarratas ó dhuine seachas údarás ábhartha ach aon substaint tosaithe, aon chomhdhéanamh, aon chomhábhar stroighniúil orgánach nó aon nanafhoirm.

7.   Beidh an fhaisnéis a liostaítear san Iarscríbhinn san iarratas.

8.   I gcás ina ndéantar iarratas a bhaineann le hiontráil atá ar cheann de na liostaí dearfacha Eorpacha cheana tar éis an chéad athbhreithnithe dá dtagraítear in Airteagal 11(4), an ceathrú fomhír, de Threoir (AE) 2020/2184 a chur i gcrích, beidh feidhm ag na pointí seo a leanas:

9.   I gcás iarratas arna dhéanamh ag údarás ábhartha a bhaineann le hathbhreithniú a dhéanamh ar iontráil atá ar liosta dearfach Eorpach cheana agus a bhfuil údar cuí leis de bharr imní maidir le sláinte an duine, beidh feidhm ag na pointí seo a leanas:

10.   An fhaisnéis dá dtagraítear i bpointe (h) den Iarscríbhinn, cuirfear isteach í i bhfoirm achoimre staidéir stóinsithe.

An fhaisnéis dá dtagraítear i bpointe (e) den Iarscríbhinn, cuirfear isteach í i bhfoirm achoimre staidéir.

An fhaisnéis dá dtagraítear i bpointe (f) den Iarscríbhinn, cuirfear isteach í i bhfoirm tuarascáil staidéir iomlán a chomhlíonann na ceanglais tuairiscithe a bhunaítear leis an gcaighdeán EN comhfhreagrach, nó an caighdeán arna chinneadh ag ECHA i gcomhréir le Roinn 1, pointe 1.2 d’Iarscríbhinn IV a ghabhann le Cinneadh Cur Chun Feidhme (AE) 2024/365.

1.   Déanfaidh ECHA measúnú ar cé acu a chomhlíonann nó nach gcomhlíonann an t-iarratas ó iarratasóir na nithe seo a leanas:

2.   I gcás nach gcomhlíonann an t-iarratas an critéar in Airteagal 4(1), pointe (a), tabharfaidh ECHA fógra don iarratasóir faoi na cúiseanna. Déanfaidh an t-iarratasóir a iarratas a oiriúnú chun go mbeidh sé i gcomhréir lena bhfuil ag teastáil laistigh de 6 mhí ón dáta a fuarthas na cúiseanna ó ECHA.

I gcás nach gcomhlíonann an t-iarratas an critéar in Airteagal 4(1), pointe (b), tabharfaidh ECHA fógra don iarratasóir faoin gconclúid sin. Tabharfaidh an t-iarratasóir a bharúil laistigh de 1 mhí ón dáta a fuarthas na cúiseanna ó ECHA.

3.   I gcás nach gcomhlíonann an t-iarratas na ceanglais a leagtar amach in Airteagal 4(1), déanfar an nós imeachta a fhoirceannadh agus tabharfaidh ECHA fógra don iarratasóir ina leith sin.

4.   Cuirfidh ECHA an t-iarratasóir ar an eolas faoi chomhréireacht a iarratais gan moill mhíchuí, agus cuirfidh sé in iúl an dáta a rinneadh an tseiceáil chomhréireachta.

5.   Pas a fháil sa tseiceáil chomhréireachta, tá sé gan dochar do thuairim an Choiste um Measúnú Riosca i gcomhréir le hAirteagal 6.

6.   I gcás iarratas ar athbhreithniú ar iontráil atá ann cheana agus atá teoranta don mhéid a léiríonn gur glacadh aicmiú agus lipéadú comhchuibhithe faoi Roinn 3 d’Iarscríbhinn VI a ghabhann le Rialachán (CE) Uimh. 1272/2008 ó Pharlaimint na hEorpa agus ón gComhairle (3), nó substaint a chur ar an Liosta Iarrthóirí a bunaíodh faoi Airteagal 59 de Rialachán (CE) Uimh. 1907/2006 ó Pharlaimint na hEorpa agus ón gComhairle (4), d’fhéadfadh ECHA an t-iarratas sin a chur go díreach chuig an gCoimisiún agus an tseiceáil chomhréireachta curtha i gcrích. Sa chás sin, ní bheidh feidhm ag Airteagal 5 ná Airteagal 6 den Rialachán seo.

7.   I gcás iarratas faoi Airteagal 3(9) nach bhfuil aon fhaisnéis chothrom le dáta ar fáil ina leith, d’fhéadfadh ECHA an t-iarratas sin a chur go díreach chuig an gCoimisiún agus an tseiceáil chomhréireachta curtha i gcrích. Sa chás sin, ní bheidh feidhm ag Airteagal 6.

8.   I gcás iarratais a bhféadfaí feidhm a bheith ag Iarscríbhinn VI, Roinn 1, pointe 3 de Chinneadh Cur Chun Feidhme (AE) 2024/365 ina leith, d’fhéadfadh ECHA na codanna comhfhreagracha den iarratas sin a chur go díreach chuig an gCoiste um Measúnú Riosca. Sa chás sin, ní bheidh feidhm ag Airteagal 5.

9.   I gcás ina gcuirtear iarratas faoi bhráid ECHA chun iontráil ó cheann de na liostaí dearfacha dá dtagraítear in Airteagal 1 de Chinneadh Cur Chun Feidhme (AE) 2024/367 ón gCoimisiún (5) a athbhreithniú, beidh an iontráil sin bailí tar éis a dáta éaga go dtí go gcinnfidh an Coimisiún an iontráil sin a athbhreithniú ar choinníoll go gcuirtear an t-iarratas faoi bhráid ECHA tráth nach déanaí ná 18 mí roimh an dáta éaga.

1.   Cuirfidh an Coiste um Measúnú Riosca tuairim ar fáil maidir leis na rioscaí do shláinte an duine a eascraíonn as úsáidí na substainte tosaithe, an chomhdhéanaimh agus an chomhábhair stroighniúil orgánaigh, úsáidí a chumhdaítear san iarratas ar bhonn Chinneadh Cur Chun Feidhme (AE) 2024/365.

Ullmhóidh an Coiste um Measúnú Riosca dréacht-tuairim agus aon fhaisnéis á cur san áireamh arna cur isteach ag páirtithe leasmhara laistigh de 10 mí ó fhoilsiú an iarratais nó laistigh de 13 mhí ón bhfoilsiú sin i gcás tuairim chomhpháirteach i gcomhréir leis an méid seo a leanas.

D’fhéadfadh an dréacht-tuairim a bheith ina dréacht-tuairim chomhpháirteach lena gcumhdaítear roinnt iarratas sna cásanna seo a leanas:

2.   Cuirfidh ECHA dréacht-tuairim an Choiste um Measúnú Riosca chuig an iarratasóir gan moill mhíchuí. An tráth céanna, cuirfidh ECHA an t-iarratasóir ar an eolas faoin gceart chun a thuairimí a chur in iúl laistigh de 30 lá.

3.   Cuirfidh an Coiste um Measúnú Riosca a thuairim i gcrích agus na barúlacha ón iarratasóir maidir leis an dréacht-tuairim, más ann dá leithéidí, á gcur san áireamh.

4.   Cuirfidh ECHA dréacht-tuairim an Choiste um Measúnú Riosca ar aghaidh chuig an iarratasóir agus chuig an gCoimisiún gan moill mhíchuí.

5.   Gan moill mhíchuí, déanfaidh an Coimisiún cinneadh faoin iarratas agus tuairim an Choiste um Measúnú Riosca á cur san áireamh, i gcomhréir le hAirteagal 11(4) den Treoir.

1.   Chun a thuairim a ullmhú faoin Rialachán seo, d’fhéadfadh an Coiste um Measúnú Riosca tagairt a dhéanamh d’aon fhaisnéis ábhartha arna cur faoi bhráid ECHA, an Choimisiúin, comhlachtaí nó gníomhaireachtaí eile de chuid an Aontais nó Ballstát eile an Aontais chun críoch Rialacháin nó Treoracha eile, má mheasann sé gá a bheith leis sin, agus na forbairtí teicneolaíochta agus eolaíochta is déanaí go háirithe á gcur san áireamh. Comhlachtaí agus gníomhaireachtaí de chuid an Aontais chomh maith le Ballstáit an Aontais a bhfuil an fhaisnéis a iarrtar ina seilbh acu, cuirfidh siad ar fáil do ECHA í arna iarraidh sin dó, agus cuirfidh siad ECHA ar an eolas an tráth céanna faoi aon éilimh bhailí ar rúndacht maidir leis an bhfaisnéis.

2.   An fhaisnéis dá dtagraítear i mír 1, ní úsáidfear í chun tástáil chaighdeánach nó faisnéis atá in easnamh a cheanglaítear le Cinneadh Cur Chun Feidhme (AE) 2024/365 a ionadú.

1.   Measfar gur neamhrúnda faisnéis a chuirtear faoi bhráid ECHA, agus d’fhéadfadh sé go gcuirfí ar fáil í go poiblí.

2.   De mhaolú ar mhír 1, measfar gur rúnda na nithe seo a leanas agus ní chuirfear ar fáil iad go poiblí:

1.   D’fhéadfaí ról an fhógróra a ghlacadh faoi Airteagal 2 trí chomhaontú frithpháirteach idir fógróir atá ann cheana agus fógróir ionchasach sula gcuirfí an t-iarratas isteach.

2.   D’fhéadfaí ról an iarratasóra a ghlacadh trí chomhaontú frithpháirteach idir iarratasóir atá ann cheana agus iarratasóir ionchasach, go dtí go bhfaigheann an t-iarratasóir an dréacht-tuairim de bhun Airteagal 6(2).

3.   Fógra dá dtagraítear i míreanna 1 agus 2, cuirfear é faoi bhráid ECHA i gcomhpháirt ag na fógróirí atá ann cheana nó na fógróirí ionchasacha, nó ag na hiarratasóirí atá ann cheana nó na hiarratasóirí ionchasacha.

1.   Comhoibreoidh an t-iarratasóir le ECHA. Cuirfidh an t-iarratasóir tuarascáil staidéir iomlán maidir le haon staidéar a chumhdaítear leis an iarratas ar fáil do ECHA, arna iarraidh sin dó. Freagróidh sé ceisteanna ó ECHA freisin gan moill mhíchuí.

2.   Laistigh de 2 mhí ó fhoilsiú thuairim an Choiste um Measúnú Riosca maidir le hiontráil ar cheann de na liostaí dearfacha Eorpacha a áireamh, a choinneáil nó a leasú, cuirfidh an t-iarratasóir ar fáil don Choimisiún calabrán dá shubstaint tosaithe nó dá chomhábhar stroighniúil orgánach, nó sampla ionadaíoch de chomhdhéanamh ábhar miotalach, cruan, ceirmigh nó ábhar neamh-orgánach eile lena bhfuil glacadh.

3.   Tar éis cinneadh ón gCoimisiún iontráil a áireamh i gceann de na liostaí dearfacha Eorpacha, coimeádfaidh an t-iarratasóir an fhaisnéis uile a bhí ag teastáil uaidh chun a dhualgais a chomhlíonadh faoin Rialachán seo ar fáil go ceann tréimhse 20 bliain ar a laghad ón dáta a baineadh an t-údarú, nó ón dáta a chuaigh sé in éag.

Cuirfidh an t-iarratasóir isteach an fhaisnéis dá dtagraítear sa chéad fhomhír, nó cuirfidh sé ar fáil í gan mhoill, arna iarraidh sin, d’aon údarás ábhartha sa tír ina bhfuil sé bunaithe nó do ECHA.

I gcás ina scoireann iarratasóir de bheith i mbun gníomhaíochta, nó i gcás ina n-aistríonn sé cuid dá oibríochtaí nó iad uile chuig tríú páirtí, beidh an páirtí atá freagrach as gnóthas an iarratasóra a leachtú nó as freagracht a ghlacadh maidir leis na hoibríochtaí lena mbaineann faoi cheangal na n-oibleagáidí a leagtar amach i mír 1 agus i mír 2 in ionad an iarratasóra.