MICROSOFT-EN SOFTWARE-LIZENTZIAREN BALDINTZAK

MICROSOFT WINDOWS PC HEALTH CHECK


ESTATU BATUETAN BIZI BAZARA EDO ZURE ENPRESAREN EGOITZA NAGUSIA ESTATU BATUETAN BADAGO, IRAKURRI JARRAIAN DUZUN "ARBITRAJE LOTESLEA ETA AUZI KOLEKTIBOAREN EZEZPENA" SEKZIOA. GATAZKAK EBAZTEKO MODUAN DU ERAGINA.


Lizentziaren baldintza hauek Microsoft Corporation-en (edo haren filialak) eta zure arteko hitzarmena osatzen dute. Gainera, baldintza horiek lehen aipatutako softwareari eta Microsoft-en edozein zerbitzuri edo zerbitzu-eguneratzeri dagozkio (salbu eta zerbitzu edo eguneratze horiek baldintza gehigarri edo berriak baldin badituzte; horrela bada, beste baldintza horiek aplikatuko dira, eta ez dituzte aurrez eguneratutako zerbitzuei edo softwareari dagozkien Microsoft-en edo zure eskubideak aldatuko). LIZENTZIA-BALDINTZAK BETETZEN BADITUZU, BEHEAN AGERI DIREN ESKUBIDEAK IZANGO DITUZU. SOFTWAREA ERABILITA, BALDINTZA HAUEK ONARTZEN DITUZU.

1.    INSTALATZEKO ETA ERABILTZEKO ESKUBIDEAK.

a)    Orokorra. Softwarearen nahi adina kopia instalatu eta erabil ditzakezu.

b)    Hirugarrenen osagaiak. Softwarearekin batera datorren ThirdPartyNotices fitxategi(et)an azaldutakoaren arabera, bereizitako lege-oharrak dituzten edo beste hitzarmen batzuen arabera araututa dauden hirugarrenen osagaiak eduki ditzake softwareak.

2.     DATUAK.

a)    Datuen bilketa. Softwareak zuri eta softwarea erabiltzeko duzun moduari buruzko informazioa bil dezake, Microsoft-i bidaltzeko. Microsoft-ek zerbitzuak hornitzeko eta bere produktu eta zerbitzuak hobetzeko erabil ditzake datuok. Zenbaitetan uko egin ahal izango diozu aukera horri, baina ez beti, produktuen dokumentazioan deskribatu bezala.  Softwarearen zenbait eginbidek, gainera, zure aplikazioak darabiltzaten erabiltzaileen datuak biltzeko aukera eman diezazukete. Zure aplikazioetan datuen bilketa gaitzeko eginbideak erabiltzen badituzu, aplikatzekoa den legeria bete beharko duzu, besteak beste, zure aplikazioen erabiltzaileei behar bezala jakinaraziz. Datuen bilketari eta erabilerari buruz gehiago jakin nahi baduzu, laguntzako dokumentazioa eta pribatutasun-adierazpena irakur ditzakezu, hemen: https://aka.ms/privacy. Softwarea erabilita, jardunbide horiek onartzen dituzu.

b)    Informazio pertsonala prozesatzea. Software honekin lotuta Microsoft informazio pertsonalaren prozesatzaile edo azpiprozesatzaile den heinean, Microsoft-ek bat egiten du bezero guztientzako Online Zerbitzuen Baldintzetako datuak babesteari buruzko Erregelamendu Orokorrarekin, indarrean 2018ko maiatzaren 25etik aurrera (https://docs.microsoft.com/en-us/legal/gdpr).

3.    LIZENTZIAREN IRISMENA. Softwarea erabiltzeko lizentzia ematen da, baina ez da saltzen. Microsoft-ek beretzat gordetzen ditu gainerako eskubide guztiak. Salbu eta, aipatutako murrizketak gorabehera, indarrean dauden legeek eskubide gehiago ematen badizkizute, ezingo dituzu honako hauek egin:

a)    ezingo duzu inola ere softwarearen muga teknikorik saihestu, softwarean aipatzen ez den beste moduan erabiltzeko;

b)    softwarearen alderantzizko ingeniaritza gauzatu, hori deskonpilatu edo desmuntatu, edo inola ere softwarearen iturburu-kodea atera, salbu eta softwarean egon daitezkeen kode irekiko zenbait osagairen erabilera arautzen duten hirugarrenen lizentziaren baldintzek hori egitea onartzen badute;

c)    Microsoft-ek edo bere hornitzaileek softwarean gehitutako jakinarazpenak kendu, ikonotu edo aldatu;

d)    softwarea legez kontra edo malwarea sortzeko edo hedatzeko erabili; edo

e)    softwarea partekatu, argitaratu, banatu edo alokatu, softwarea beste erabiltzaile batzuei eman eskaintza autonomo gisa edo softwarea edota hitzarmen hau hirugarrenei eskualdatu.

4.    ESPORTATZEKO MUGAK. Softwareari aplika dakizkiokeen lege eta araudi nazional zein nazioarteko guztiak bete behar dituzu; horien barne daude helmugen, azken erabiltzaileen eta azken erabileraren inguruko murrizketak. Esportazio-murrizketei buruzko informazio gehiago lortzeko, joan helbide honetara: https://aka.ms/exporting.

5.    LAGUNTZA-ZERBITZUAK. Hitzarmen honen arabera, Microsoft-ek ez du softwarearen laguntza-zerbitzurik hornitzeko betebeharrik. Emandako edozein laguntza "bere horretan", "falta guztiekin" eta bermerik gabe emango da.

6.    EGUNERATZEAK. Softwareak eguneratzeak bila, deskarga eta instala diezazkizuke noizean behin. Eguneratze horiek Microsoft-ek edo baimendutako iturburuek soilik hornituko dituzte. Halaber, baliteke Microsoft-ek zure sistema eguneratu behar izatea, eguneratzeak eman ahal izateko. Eguneratze automatiko horiek inolako jakinarazpen gehigarririk gabe jasotzea onartzen duzu. Baliteke eguneratzeek ez edukitzea edo ez onartzea softwarearen eginbide, zerbitzu edo gailu periferikorik.

7.    ARBITRAJE LOTESLEA ETA AUZI KOLEKTIBOAREN EZESPENA. Sekzio hau dagokizu baldin eta Estatu Batuetan bizi bazara edo zure enpresaren egoitza nagusia Estatu Batuetan badago.  Zure eta Microsoft-en arteko gatazkarik badago, zuk eta Microsoft-ek onartzen duzue 60 egunetan modu informalean konpontzen saiatuko zaretela. Ezin baduzue konpondu gatazka hori, zuk eta Microsoft-ek berariaz onartzen duzue banakako arbitraje loteslea gauzatzea American Arbitration Association elkartearen aurrean eta Federal Arbitration Act (“FAA”) aktari jarraikiz, eta uko egiten diozue gatazkak epaileen edo epaimahaien bidez ebazteari. Horren ordez, arbitro neutral batek hartuko du erabakia. Ez da onartzen auzi eta arbitraje kolektiborik, fiskalaren ekintza pribatuko auzirik edo bestelako ekintzarik, non norbaitek ordezkari-ahalmenarekin jarduten duen. Halaber, ez da onartzen hainbat banako prozedura konbinatzea alderdi guztien baimenik gabe. Arbitraje-hitzarmen osoak baldintza gehiago zehazten ditu. Helbide honetan aurkituko duzu: https://aka.ms/arb-agreement-4. Zuk eta Microsoft-ek baldintza horiek onartzen dituzue.

8.    HITZARMEN OSOA. Hitzarmenak berak eta Microsoft-ek osagarrietarako, eguneratzeetarako edo hirugarrenen aplikazioetarako eman ditzakeen bestelako baldintzek osatzen dute softwarearen hitzarmen osoa.

9.    LEGE APLIKAGARRIA ETA GATAZKAK EBAZTEKO LEKUAK. Softwarea Estatu Batuetan edo Kanadan erosi baduzu, bizi zaren edo zure enpresaren egoitza nagusia dagoen estatuko edo probintziako legeen arabera arautuko dira hitzarmenaren interpretazioa, hitzarmena urratzeagatik egindako erreklamazioak eta gainerako erreklamazioak (besteak beste, kontsumitzailea babesteko erreklamazioak, bidegabeko lehiaketagatik egindako erreklamazioak eta kalteengatik egindako erreklamazioak), alde batera utzita legeen gatazken printzipioak, salbu eta FAAk arbitrajearekin lotutako xedapen guztiak arautzen dituenean. Softwarea beste herrialde batean eskuratu baduzu, tokian tokiko legeen arabera arautuko da hitzarmenaren interpretazioa, salbu eta FAAk arautzen baditu arbitrajearekin erlazionatutako ekintza guztiak. Estatu Batuetako jurisdikzio federala baldin badago, zuk eta Microsoft-ek onartzen duzue King County-ko (Washington, AEB) auzitegi federalak direla toki eta eskumendun bakarrak gatazkak ebazteko (arbitrajeak izan ezik). Ez bada jurisdikzio federala aplikatzen, zuk eta Microsoft-ek onartzen duzue King County-ko (Washington, AEB) Auzitegi Gorena dela toki eta eskumendun bakarra gatazkak ebazteko (arbitrajeak izan ezik).

10. KONTSUMITZAILEEN ESKUBIDEAK; ALDAKETAK ESKUALDEAREN ARABERA. Hitzarmen honek zenbait lege-eskubide azaltzen ditu. Baliteke bestelako eskubideak izatea, kontsumitzaile-legeak kasu, zure estatuko, herrialdeko edo probintziako legeen arabera. Halaber, baliteke softwarea erosi zenuen aldearekiko eskubideak izatea, Microsoft-ekin duzun erlazioaz harago eta bereiz. Hitzarmen honek ez ditu eskubide horiek aldatzen, zure estatuko, probintziako edo herrialdeko legeek hori onartzen ez badute. Adibidez, softwarea ondoko eskualdeetako batean eskuratu baduzu edo derrigorrezko legeak badaude, xedapen hauek aplikatuko zaizkizu:

a)    Australia. Legezko bermeak dituzu Australiako Kontsumitzaileen Legeari jarraiki eta hitzarmen honetako ezerk ez du eskubide horietan eraginik izateko asmorik.

b)    Kanada. Softwarea Kanadan erosi baduzu, eguneratzeak jasotzeari utz diezaiokezu eguneratzeen eginbide automatikoa desaktibatuz. Horretarako, deskonektatu gailua Internetetik (Internetera berriro konektatzen bazara, eguneratzeak bilatzen eta instalatzen jarraituko du softwareak) edo desinstalatu softwarea. Gailu edo software zehatz baterako eguneratzeak desaktibatzeko moduari buruzko informazioa produktuaren dokumentazioan aurkituko duzu (baldin badago).

c)    Alemania eta Austria.

i.     Bermea. Softwarearen lizentzia egokia bada, softwarearekin batera jasotako Microsoft materialetan azaldu bezala funtzionatuko du softwareak. Nolanahi ere, Microsoft-ek ez du beste kontratuzko garantiarik ematen lizentziadun softwareari dagokionez.

ii.    Erantzukizunaren muga. Nahitako jokabidea edo axolagabekeria larria ematen deneko produktuaren erantzukizun-agirian (Product Liability Act) oinarritutako erreklamazioetan edota norbait hiltzen edo zauritzen denean, Microsoft da erantzule, legeari jarraiki.

Aurreko ii. klausularen harira, Microsoft-i axolagabekeria arina soilik egotziko zaio kontratuzko betekizun materialak apurtzen baditu. Hala, betekizun horiek hitzarmen honen funtzionamendu egokia errazten dute, eta horiek urratzeak hitzarmenaren helburua eta alderdiaren esana nahiz fidagarritasuna ("betebehar kardinalak") arriskuan jarriko lituzke. Axolagabekeria arina beste kausa baten ondorio bada, Microsoft ez dira erantzule izango.

11. BERMEAREN EZEZTAPENA. SOFTWAREA “BERE HORRETAN” DAGO BAIMENDUA. HURA ERABILTZEKO ARRISKUA ZEURE GAIN HARTZEN DUZU. MICROSOFT-EK EZ DU BERARIAZKO BERMERIK, GARANTIARIK EDO BALDINTZARIK EMATEN. ZURE HERRIALDEAN INDARREAN DAUDEN LEGEEK ONARTZEN DUTEN NEURRIAN, MICROSOFT-EK KANPOAN UZTEN DITU, BESTEAK BESTE, MERKATURAGARRI IZATEAREN, XEDE JAKIN BATERAKO EGOKITASUNAREN ETA ARAURIK EZ URRATZEAREN BERME INPLIZITU GUZTIAK.

12. KALTEAK MUGATU EDO KANPO UTZI. KALTE-ORDAINAK JASOTZEKO ARRAZOIRIK BADUZU LEHEN AZALDUTAKO BERME-UKATZEA INDARREAN EGON ARREN, MICROSOFT-EK ETA BERE HORNITZAILEEK 5,00 USD ORDAINDUKO DIZKIZUTE, GEHIENEZ, ZUZENEKO KALTEENGATIK. EZIN DUZU INOLAKO ORDAINIK JASO BESTELAKO KALTEENGATIK (BESTEAK BESTE, ONDORIOZKO KALTEAK, ETEKINAK GALTZEAGATIKO KALTEAK, KALTE BEREZIAK ETA ZEHARKAKO ETA EZBEHARREZKO KALTEAK).

Murriztapen hau honako hauei aplikatzen zaie: (a) softwarearekin, zerbitzuekin, hirugarrenen Interneteko guneen edukiarekin (kodea barne) edo hirugarrenen aplikazioekin erlazionatutako edozein edukiri eta (b) hitzarmena hausteagatik edo bermeak, garantiak edo baldintzak ez betetzeagatik egindako erreklamazioei edota erantzunbehar hertsia, axolagabekeria edo lege aplikagarriaren araberako beste edozein erruzko kalte dela kausa egindako erreklamazioei.

Halaber, muga hori aplikatuko da nahiz eta Microsoft-ek kalteak gerta zitezkeela jakin edo jakiteko betebeharra izan. Baliteke goiko murrizketa edo baztertzea zure kasuan ez aplikatzea, gerta daitekeelako zure estatuak, probintziak edo herrialdeak ezbeharrezko, ondoriozko edo bestelako kalteak kanpo uztea edo mugatzea ez onartzea.