L'horoch'ti du vendredi 5 février

Aujord’hui, BELIER, te vas t’ ête in m’sure ed’ prinde des contacts fort fort intéressants… Et cha va t’ permett’ ed’ prévoir gramint miux et gramint plus long… !

TAUREAU, prépares-te à des cang’mints plutôt brutaux… Mais cha n’s’ra point forchémint dins l’ mauvais sins, t’as pét’ête toute à y gagner… !

Pour ti, GEMEAUX, cha qué dins t’ besace sins avoèr à aillonner ch’ l’ arbe à pronnes… profites pindant qu’ cha qué,  ch’est toudis bon à prinde …!

Prinds les choses comme alle vient’tent, CANCER, et n’ t’ imbarrasses point l’ tiête aveuc des blubluttes… cha t’ fais du mau et cha n’ t’ avinch’ra à rien …!

LION, cha va t’ ête fort fort calme pour ti, aujord’hui…Ti qu’ à l’ habitute ed’ sauter à l’ clinche tout l’ jour.. cha va t’ faire drôle …!

VIERCHE, t’as invie d’ améliorer tin tiot confort, ti, mais esselle de l’ faire sins imprunter,  pass’que sinon, … n’ oblies surtout point qu’ i faudra  rinde …!

BALANCHE, vu chou qui t’atind aujord’hui, y-a d’ quo avoèr peur…Y-a bien des solutions dins l’ air… mais l’ toute, cha va t’ ête ed’ les faire atterrir, et cha, y-a rin qu’ i-est moins sûr…!

En’ laiches point apparaîte tes humeurs min tiot SCORPION, …Cha pourrot mett’ tes gins in colère et cha n’est point l’ bon momint pour cha… !

En te laiches point aller, SAGITTAIRE, Confies-te à des vrais comarats, y-a focque euss’ qui récauff’ront tin tiot cœur… !

CAPRICORNE, joyeus’té et bonne humeur, cha va t’ ête les mots d’ ordre de t’ jornée…Attintion quand même de n’ point trop i prinde goût… cha n’ s’ra point tous les jours parel’… !

 El’ pire pour aujord’hui, cha s’ra pour ti, VERSEAU,  y-a un chagrin d’amour qui va pourir et’ jornée, et te n’ vas  point t’ ête là ed’ te n’ armette… !  

ET pour finir, PICHON, t’ as d’ bonnes affaires in vue… arclippes-les au vol… mais si te n’ veux point t’ noyer dins les z’ airs, esselles d’arquerre dins l’ ieau…cha s’ra miux pour ti…

Allez, à d’main mes gins, et même de bonne heure, restez prudints… !